Skip to main content

SAMSUNG Galaxy

სანამ ქართველი ციციკორეს შუასაუკებრივი ფანტასმაგორიების სამყაროში ნეკროფილიის და სტომაქის ე.წ. ''ტრადიციებით'' ხალხს სიცოცხლის ხალისს უკლავენ, სანამ მარადმწვანე ინფანტილიზმის დროშებით შეიარაღებული გულშიმჯიღდაცემული პატრიოტები მარადმწვანედ წარსულში იხედებიან წინსვლის ნაცვლად და ლამის მთელი დედამიწის ე.წ. ,,კულტურის ძეგლად,, გამოცხადებას ითხოვენ და არარსებულ ქარის წისქვილებს ებრძვიან, სიმართლის გაგება არ უნდათ და მუდმივად ცილისწამების, ლაფის სვრისა და ღრიანცელის რეჟიმში ამყოფებენ ქართულ ტელესივრცეს, მანამდე სამყაროს ბრუნვა გრძელდება, ისევ იმ კანონებით, რაც ოდესმე დედამიწას აბრუნებდა და არც წინასწარ დაანონსებული აპოკალიფსი ხდება ,,ზეციური ცეცხლის,, მომლოდინე მრევლის, სხვადასხვა სექტებისა თუ ინდიელთა კალენდრებზე, მჩხიბავებზე და შარლატან-ასტროლოგ-მარჩიელებზე ჩაციკლული ხალხის თვალსასეიროდ და რაც მთავარია, რეალობაში და მიწაზე დარჩენილი განათლებული კაცობრიობა აგრძელებს ტექნოლოგიურ საოცრებების შექმნას, რომელიც ეფუძნება ფიზიკის, ელექტროენერგეტიკის, კვანტურ თუ მექანიკურ სამყაროს კანონებს, ზუსტ მეცნიერებებს, თავისუფალს ყოველგვარი ფსიქონერვული ფობიებისგან და მოლანდებებისგან. 

ტექნოლოგიური გარღვევა, რასაც SAMSUNG-ი, GOOGLE, APPLE და სხვა სამეცნიერო აზრის შემქნელი და მომხმარებელი გიგანტები კაცობრიობას სთავაზობენ, ფაქტიურად ტოლფასია იმ უკვე გამოვლილი ისტორიული ე.წ. Checkpoint-ბისა, საიდანაც დედამიწის მოსახლეობის გლობალური ისტორია შეცვლილა, მაგალითად ისეთების, როგორცაა ამერიკის აღმოჩენა, ჰელიოცენტრული სისტემის და დედამიწის წრიულობის აღმოჩენის, ვაქცინაციის გამოგონების, პასტერიზაციის, ნიკოლა ტესლას მიღწევებისა თუ ნიუტონის კანონებისა. 

ვფიქრობ, მალე ისტორიას ჩაბარდება დრო, როდესაც SAMSUNG-ის ტექნოლოგიების წყალობით ნაკლები მატერიალური რესურსები დაიხარჯება მხატვრობაში და ციფრული მიღწევების გამოყენებით შესაძლებელი გახდება გამოსახულების ვიზუალიზაციის გადმოცემა მხატვრის იდეების გადმოსაცემად. 

მინდა, თვალსაჩინოებისთვის ნათელი გახდეს SAMSUNG galaxy Note 3-ის აპლიკაციის SKETCHBOOK for Galaxy-ის ციფრული ფუნჯების, საღებავებისა და მოლბერტის მეშვეობით შექმნილი ნიმუშების ვიზუალური მხარე. აქ წარმოდგენილი ჩანახატები სწორედ ამ აპლიკაციაშია შესრულებული. 

ეს თავად აპლიკაციის ლოგოა, მსურველთათვის ადვილად მოსაძებნი:




ეს კი ესკიზები და ჩანახატები:

 

 

 


ასე, რომ ჩქარი ხატვის მოყვარულებს, გირჩევთ SAMSUNG Galaxy Note 3-ს :) 

Popular posts from this blog

ცუდას რად უნდა მტერობა, კარგია მუდამ მტრიანი

“Tempora mutantur et nos mutamur cum illis” – დრონი იცვლებიან და ჩვენც ვიცვლებით მათთან ერთად, მაგრამ არ იცვლება ადამიანის გრძნობები და კიდევ უფრო იზრდება მანკიერებები. ჩვენმა დიდმა პოეტმა, ბუნების მგოსანმა ვაჟამ-ფშაველამ საუკუნეზე მეტი ხნის წინ დაწერა, რომ: “ცუდას რად უნდა მტერობა, კარგია მუდამ მტრიანი”,

ჩაფარცხული საქართველო

16 წლის ორი მოზარდის შემზარავ მკვლელობას, რომელიც თბილისში,  2017 წლის 1-ელ დეკემბერს მოხდა, 51-ე და 1-ლი ექპერიმენტული სკოლების მოსწავლეების თანამონაწილებით, ღრმა სოციალური და ისტორიული ფესვებიც აქვს. შევეცდები მოკლედ ჩამოვაყალიბო სათქმელი და დანარჩენი მკითველმა შეაფასოს. ეთიკა, ზნეობა, წესიერება ან არსებობს, ან არარსებობს. ყველაფერი დანარჩენი რაც შინაგანად ყარს, უზნეობაა, არაეთიკურია, უწესოა. მაგალითად, არარსებობს აყროლებული ზნეობა, რადგან ზნეობა არ შეიძლება ყარდეს მისი წესიერების გამო.  თქვენ რა გგონიათ, ილია ჭავჭავაძე ერთმა გაუნათლებელმა და წერა-კითხვის უცოდინარმა ბერბიჭაშვილმა იმიტომ მოკლა, რომ ილიას "ბედნიერი ერი" არ მოეწონა? არა, ილია მთელი ქვეყნის აყროლებულმა შინაგანმა კოლქტიურმა უზნეობამ მოკლა, რომლისთვისაც ილია კრიალა სარკე იყო, რომელშიც საკუთარ სიმახინჯეს ხედავდა. აყროლებულმა საზოგადოებამაც, რომელსაც მაშინაც და დღესაც სიმართლე სძულს და სიცრუის წუმპეში ნებივრობს, ნაცვლად საკუთარი ჭუჭყის ჩამორეცხვისა, მონურ და შემგუებლურ სტილში, ჩვეული რეფლექსი გამოავლინა და სარკე ჩაა…

მარიტა / Marita

"მარიტა / Marita "  ©Kakha Kolkhi


ნახატის ახსნა:
ძველი ნახატია, მინდოდა ამ სურათის დამთავრება, მაგრამ კონკრეტული  მიზეზების გამო, ჯობია ასე დარჩეს, ნახევრად დახატული. ამ დღეებში კულმინაციას მიაღწია ქალთა მკვლელობის შემზარავმა ფაქტებმა, ოჯახური ძალადობის შემთხვევებმა. ალბათ ასეთი კულმინაციები, ადამიანის ბუნებიდან გამომდინარე, არც პირველი იქნება და არც უკანასკნელი და სულაც არ შემოიფარგლება რომელიმე ერის და ქვეყნის საზღვრებით, ადამიანის უნიკალური ერთბუნებრიობის მიზეზით.